A reunión, celebrada en Madrid, reuniu aos decanos e decanas dos 23 colexios profesionais que integran o Consejo General, e permitiu poñer en común as principais inquedanzas, retos e liñas de actuación das distintas corporacións.

Entre os obxectivos prioritarios abordados destacou a defensa das profesións representadas polos colexios e a reivindicación da colexiación obrigatoria como unha ferramenta fundamental para reforzar a protección profesional, a representación colectiva e a defensa dos intereses das persoas colexiadas.

Durante o encontro tamén se subliñou a importancia de achegar o labor dos colexios ás novas xeracións de graduados e licenciados, fomentando a súa incorporación e participación activa nestas institucións profesionais.

No ámbito da arqueoloxía profesional, o Consejo  General insistiu  na relevancia do IV Congreso Internacional de Arqueoloxía Profesional, que se celebrará en Alicante o próximo mes de outubro, como un espazo de encontro, intercambio de experiencias e posta en valor da profesión. Así mesmo, destacouse a continuidade dos encontros virtuais periódicos de arqueólogos dos distintos colexios territoriais, celebrados cada mes ou mes e medio, como un foro de participación no que abordar as necesidades do colectivo, compartir problemáticas comúns e buscar respostas coordinadas ante os retos da profesión.

O Pleno puxo de manifesto a importancia de manter unha organización colexial unida e activa, capaz de dar resposta ás necesidades das persoas profesionais dos ámbitos humanístico, científico, educativo e cultural.

+ Info Congreso: https://www.consejogeneralcdl.es/Arqueolog-a/IV-Congreso-Nacional-de-Arqueolog-a-Profesional/index.php/

O venres ofreceu un relatorio clave, xunto á experta Mercedes Vázquez, dedicado en exclusiva á análise e á autenticidade dos documentos dos Colón de Galicia.

Ambas as dúas investigadoras debullaron os legados estudados no seu día por Celso García de la Riega, os cales foran tachados de falsificacións no pasado.

Tras un exhaustivo traballo científico iniciado no ano 2017 sobre os papeis do Museo Provincial, do Arquivo do Reino de Galicia e do Arquivo de Valladolid, as dúas investigadoras concluíron que, dada a grafía, a linguaxe e a tinta, os textos son auténticos e pertencen rigorosamente ao século XV.

Respecto ás sospeitas históricas sobre as alteracións gráficas, Pilar Rodríguez defendeu firmemente que non existe falsificación: “O que ocorreu nalgúns trazos é que se avivaron as letras, aumentáronse modificándose a tinta para que se lesen mellor, e escribíronse anotacións enriba”.

As principais conclusións científicas achegadas polas dúas especialistas durante o foro técnico destacan:

Existencia demostrada: A ciencia ratifica que existiu unha familia Colón no barrio pontevedrés da Moureira no século XV, pertencente aos mareantes. Non obstante, matizan con rigor que aínda non se pode corroborar se se trata da familia do descubridor de América.

A liñaxe da ría: Está sobadamente documentada a presenza de Juan de Colón (cuxo nome figura nas inscricións da Basílica de Santa María e no Arquivo do Reino de Galicia de 1519) e de Afonso de Colón no Libro Tumbo da Confraría do Corpo Santo e de San Miguel.

Raíces locais: No debate posterior sobre a orixe da Casa de Portosanto en Poio, Mercedes Vázquez foi taxante ao afirmar que “os Colón de Pontevedra eran da Moureira ata a médula e os mareantes de aquí chegaron ata Terranova”.

Para a nosa corporación é un orgullo contar con profesionais do prestixio de M.ª Pilar Rodríguez na nosa Xunta de Goberno. O éxito e o impacto do seu relatorio xunto a Mercedes Vázquez sitúa ao noso Colexio na vangarda da defensa e a investigación científica do patrimonio documental e cultural.

 Fotografía: Atlántico Diario (MªPilar é a primeira pola dereita)

Na actualidade, arredor de 400 persoas colexiadas forman parte desta corporación profesional, que traballa para ofrecer respaldo, garantías e representación aos profesionais ante a sociedade e as administracións públicas.

Desde o Colexio subliñan que pertencer a unha entidade profesional sólida non só achega servizos e vantaxes individuais, senón tamén unha maior protección colectiva da profesión.

A institución exerce como interlocutora ante organismos públicos, defendendo os intereses do colectivo, promovendo o recoñecemento profesional e velando pola calidade e dignidade do exercicio profesional.

A campaña destaca especialmente as garantías que ofrece a colexiación:

• Defensa e representación profesional ante administracións públicas e institucións.
• Asesoramento e respaldo técnico e xurídico para o exercicio profesional.
• Seguro de responsabilidade civil con condicións vantaxosas.
• Acceso á lista oficial de peritos profesionais, favorecendo novas oportunidades laborais e maior visibilidade.
• Formación permanente e acceso a instalacións e recursos, impulsando a actualización continua de coñecementos.

“O Colexio é unha ferramenta de apoio e protección para os profesionais. Representamos os seus intereses, damos voz ao colectivo e contribuímos a reforzar o prestixio das profesións de Letras e Ciencias na sociedade”, destacan desde a entidade.

A iniciativa busca seguir ampliando a comunidade profesional do Colexio e fortalecer unha rede que permita afrontar de maneira conxunta os retos actuais do ámbito profesional e académico.

+ Info: https://www.cdlg.es/como-colexiarse/

A instalación de elementos metálicos visibles supón non só un erro estético, senón unha vulneración dos criterios científicos que deben rexer calquera actuación nun Ben de Interese Cultural (BIC) de relevancia mundial.

Dende o enfoque da arqueoloxía da arquitectura, o Colexio sostén que a actual solución é inaceptable polos seguintes motivos:

- Ruptura da lectura estratigráfica: Cada elemento do Hospital Real, obra de Enrique Egas, forma parte dunha secuencia histórica coherente. A introdución de tubos industriais distorsiona a percepción do monumento e “falsifica” a súa lectura orixinal, tratando as gárgolas como meros desaugadoiros e non como pezas arqueolóxicas clave.

- Vulneración da reversibilidade: Un principio fundamental da restauración é que calquera adición debe ser reversible sen danar o soporte. O contacto do metal co granito histórico pode xerar procesos de erosión diferencial e manchas por óxido, comprometendo a conservación futura da pedra.

- Banalización do Patrimonio: O Obradoiro non admite solucións rudimentarias. A existencia de tecnoloxía moderna permite canalizacións ocultas ou sistemas integrados que resolven a evacuación de auga sen sacrificar a integridade visual dun espazo que é Patrimonio da Humanidade.

Erro histórico
O Colexio recoñece a necesidade de protexer o edificio das filtracións, pero subliña que “a forma en que se decidiu facelo non está á altura do lugar”.

Segundo a institución, nun espazo de máxima significación simbólica para Galicia, o profesional non debe introducir elementos que reclamen unha atención allea á lóxica do edificio.

Por estes motivos, o Colexio insta ás autoridades e á dirección do Hostal a retirar de inmediato os tubos metálicos; executar un proxecto de restauración técnica que entenda o monumento como un todo arqueolóxico e arquitectónico; e asumir a responsabilidade institucional de transmitir o legado do Obradoiro sen distorsións ás xeracións vindeiras.

Fotografia: Diario de Santiago